Raashidiyah

:کلیہ کی ضرورت

ہم جانتے ہیں کہ معاشرہ کی تعمیر اور بھلائی عورتوں کی تعلیم و تربیت سے ہی ممکن ہے کیونکہ وہی ہیں جو آگے آنے والی نسل کی تربیت کرتی ہیں لہذا ان کی تعلیم اور ان کے اندر علم کی پختگی کا ہونا از حد ضروری ہے ۔  خاص کر موجودہ ماحول میں بے شمار طریقوں سے نئی نسل میں عقیدہ کو برباد کرنے والے وسائل بآسانی پھیل رہے ہیں ، اخلاق کو برباد کرنے کے لئے میڈیا اور الگ الگ اداروں کا استعمال کیا جا رہا ہے ایسے میں عورتوں کا تعلیم کے زیور سے مزین ہونا بہت زیادہ ضروری ہے جو کہ خود ان عورتوں کے لئے بھی فائدہ مندہے اوران سے ہونے والی نسل بھی 
اس سے فائدہ اٹھائے گی۔

الحمد للہ، ہندوستان میں دینی مدارس و جامعات کی کثرت ہےجن میں کئی بچے اور بچیاں دینی تعلیم سے سرفراز ہو رہے ہیں ۔ مگر اب بھی ایک بڑی تعداد دینی تعلیم سے کوسوں دور ہیں جس کا سبب دنیاوی تعلیم دینے والے مدارس میں دینی تعلیم کے نظم کا نہ ہونا ہے ۔لہذا ہم نے  ایسی بہنوں کے لئے جو بڑی عمر کو پہنچ گئی ہیں  یا اسکول یا کالج میں جاتی ہیں اور دینی تعلیم کا شوق اور جذبہ رکھتی ہیں ان کے لئے ایک دینی مدرسہ کو شروع کیا ہے تاکہ جذبہ رکھنے والی بہنیں بھی دین کو بہتر اور مکمل طریقے سے سیکھ لیں۔ اورمبادیات دین ،تفسیر وحدیث اور فقہ کو  اصول تفسیر و اصول حدیث و اصول فقہ کے ساتھ حاصل کریں تاکہ مسائل کے استنباط و استخراج کا مکمل ملکہ ہو اور امر بالمعروف و نہی عن المنکر کے فریضہ کو سلف صالحین کے طریقہ پر ادا کرسکیں۔

یہ بھی ذہن میں رہے کہ کلیہ کی آف لائن کلاس مالونی ، ملاڈ کے علاقہ میں ہوتی ہیں جہاں جہالت اور عقیدہ کا فساد بہت زیادہ ہے۔ بمشکل کوئی ایسا ہفتہ گزرتا ہو جس روز وہاں کسی پیر یا بابا کی چادر یا عرس نہ نکالی جاتی ہو۔ قبرپرستوں کی تعداد اہل توحید کے مقابلہ میں حد سے زیادہ ہے۔ اخلاقی گراوٹ بھی بہت ہے۔ لہذا وہاں کی بہنوں میں علم کو پھیلانے والی بہنوں کی سخت ضرورت ہے۔

آن لائن کلاس میں طالبات کی حاضری:

کورونا وباء سے پہلے منعقدہ سالانہ انجمن:

کلیہ کی عمارت:

الحمد للہ یہ ساری سرگرمیاں اب تک کرائے کی جگہ میں انجام پر رہی تھیں، اسی اثنا میں ہمارے پاس کچھ بہنوں نے ایک بڑی رقم کے ذریعہ سے ہم سے وعدہ کیا کہ آپ جگہ کی کوشش کریں ہم ان شاء اللہ آدھی قیمت ادا کرنے کو تیار ہیں۔
ہم نے ایک جگہ کا تعین کیا جس کی قیمت  62 لاکھ، 50 ہزار روپئے طے پائی ہے۔

باقی رقم اکٹھا کرنے کی کوشش جاری ہے ۔ لہذا اہل خیر و ثروت سے ہم درخواست کرتے ہیں کہ آپ زیادہ سے زیادہ اس جاری رہنے والے خیر کے کام میں اپنا تعاون پیش کریں جو کہ یقینا آپ کے لئے اور اگر آپ اپنے اہل میں سے کسی کی طرف سے ادا کرتے ہیں تو ان کےلئے جاری رہنے والا صدقہ ہوگا۔ جب تک یہاں سے ہماری مائیں اور بہنیں دین سیکھ کر نکلتی رہیں گیں یقینا اس میں مسلسل آپ کی طرف سے کئے گئے صدقہ کا بھی حصہ ہوگا۔ جو کہ بلا شک آپ کے لئے اجر کا سبب ہے۔